გენეტიკური კვლევები
თრომბოზის რისკთან ასოცირებული მუტაციები
თრომბოფილია წარმოადგენს სისხლის კოაგულაციის პათოლოგიას, რომელიც თრომბოზის რისკს ზრდის. თრომბოფილია შეიძლება იყოს როგორც თანდაყოლილი, ისე — შეძენილი.
სქესობრივი გზით გადამდები
ინფექციები (სგგი)
სქესობრივად გადამდებია ნებისმიერი დაავადება, რომელიც სქესობრივი კონტაქტისას სპერმით, ვაგინალური გამონადენით ან სისხლით გადაეცემა. მათ შორისაა შიდსი, ქლამიდია, გენიტალური ჰერპესი, გენიტალური მეჭეჭები, გონორეა, სიფილისი, სოკოვანი ინფექცია და ჰეპატიტის ზოგიერთი ფორმა.
ადამიანის პაპილომავირუსის (HPV) გენოტიპირება
ადამიანის პაპილომავირუსი (HPV) ადამიანის კანსა და ლორწოვან გარსს აზიანებს. მისი კლინიკური გამოვლინებები შეიძლება, დაზიანების, ანატომიური მდებარეობისა და HPV ტიპის მიხედვით განსხვავდებოდეს. ამჟამად ცნობილია HPV-ის 100-მდე ქვეტიპი, რომელთაგან 40-ზე მეტი ანოგენიტალურ ტრაქტს აზიანებს.
Y ქრომოსომის მიკროდელეცია
მამაკაცის უნაყოფობის ერთ-ერთი გამომწვევი მიზეზი Y ქრომოსომის მიკროდელეციაა (YCM). მიკროდელეცია წარმოადგენს მდგომარეობას, რომლის დროსაც ქრომოსომის გარკვეული უბანი ან უბნები ამოჭრილია. არსებობს AZFa, AZFb და AZFc მიკროდელეციები. მათგან ყველაზე ხშირი AZFc უბნის მიკროდელეციაა.
ბაქტერიული ვაგინოზი
ბაქტერიული ვაგინოზი (Bacterial Vaginosis – BV) წარმოადგენს ფართოდ გავრცელებულ ინფექციას, რომელიც გამოწვეულია ვაგინალური ფლორის ბუნებრივი ბალანსის დარღვევითა და პირობით პათოგენური ბაქტერიების ჭარბი ზრდით. ბაქტერიული ვაგინოზი ძირითადად რეპროდუქციული ასაკის ქალებში გვხვდება. აშშ-ის დაავადებათა კონტროლისა და პრევენციის ცენტრის (CDC) მონაცემებით, იგი ქალების 29.2%-ს აღენიშნება.
ატიპიური პნევმონია
პნევმონია არის ერთი ან ორივე ფილტვის ანთება, რომელიც მოიცავს ბრონქებს, ალვეოლებსა და მათ შორის მდებარე ქსოვილს. პნევმონია შეიძლება გამოწვეული იყოს ინფექციური აგენტის ჰემატოგენური (სისხლით) ან ინჰალაციური (ჰაერწვეთოვანი) გზით ფილტვებში მოხვედრით.