პრეიმპლანტაციური გენეტიკური ტესტი PGT-A

bt_bb_section_bottom_section_coverage_image
  • რა არის PGT-A ?
  • კვლევის შესახებ
  • რატომ PGT-A ?

ადამიანის უჯრედი ნორმალურ შემთხვევაში 46 ქრომოსომას შეიცავს, საიდანაც 23 დედისეულია, ხოლო 23 მამისეული. არსებობს შემთხვევები, როდესაც ქრომოსომების რაოდენობა 46 არ არის, ასეთ შემთხვევას ანეუპლოიდია ეწოდება. ამ დროს დიდია ალბათობა იმისა, რომ არ დადგეს ორსულობა და/ან ნაადრევად შეწყდეს ის. პრეიმპლანტაციური გენეტიკური ტესტირება (PGT-A) გამოიყენება IVF (ინ ვიტრო განაყოფიერებული) ემბრიონის ქრომოსომების რაოდენობის/ ქრომოსომული სტატუსის განსაზღვრისათვის. 

PGT-A ტარდება ახალი თაობის სექვენირების (NGS) მეთოდით, რომელიც 24-ივე ქრომოსომის (22 აუტოსომური, X და Y) გაანალიზების საშუალებას იძლევა. ესგვაძლევს ინფორმაციას ემბრიონის გენეტიკური ჯანმრთელობის შესახებ. ამ კვლევის დახმარებით  შესაძლებელია, გამოვლინდეს ქრომოსომული ანომალიები, რომლებიც შეუთავსებელია სიცოცხლესთან ან იწვევს სხვადასხვა გენეტიკურ დაავადებას (მაგ: დაუნის სინდრომი, ტერნერის სინდრომი, კლაინფელტერის სინდრომი და სხვა). PGT-A-ს გამოყენებით შესაძლებელია წარმატებული ორსულობის ალბათობის მნიშვნელოვნად გაზრდა.

  • ორსულობის წარმატების მაღალი ალბათობა;
  • სპონტანური აბორტის შემცირებული რისკი;
  • ჯანმრთელი ახალშობილის დაბადების ალბათობა;
  • ორსულობის მისაღწევად საჭირო IVF ციკლების შემცირებული რაოდენობა, რაც პოტენციურად ამცირებს დამატებით ხარჯებს, დროს და ა.შ.

ხშირად დასმული კითხვები

რა შემთხვევაში უნდა ჩატარდეს პრეიმპლანტაციური გენეტიკური ტესტირება?
  • მაშინ, Როდესაც არსებობს ორსულობის მოულოდნელი შეწყვეტის ისტორია;
  • თუ წყვილს უკვე ჰქონდა ორსულობა ქრომოსომული დარღვევებით;
  •  წარუმატებელი IVF ციკლების დროს;
  • 35 წლის და ზემოთ ასაკის მქონე ქალებში.
როგორ კეთდება PGT-A?

PGT-A-ს დროს ხდება ემბრიონიდან ერთი ან რამდენიმე უჯრედის ამოღება (ბიოფსია). Შემდეგ მიმდინარეობს ამ უჯრედებში არსებული გენეტიკური მასალის- დნმ-ის ტესტირება, რაც გვაძლევს საშუალებას, დავადგინოთ არსებობს თუ არა რაიმე ქრომოსომული დარღვევა. 

This site is registered on wpml.org as a development site.