ბაქტერიული ვაგინოზი (Bacterial Vaginosis – BV) წარმოადგენს ფართოდ გავრცელებულ ინფექციას, რომელიც გამოწვეულია ვაგინალური ფლორის ბუნებრივი ბალანსის დარღვევითა და პირობით პათოგენური ბაქტერიების ჭარბი ზრდით. ბაქტერიული ვაგინოზი ძირითადად რეპროდუქციული ასაკის ქალებში გვხვდება. აშშ-ის დაავადებათა კონტროლისა და პრევენციის ცენტრის (CDC) მონაცემებით, იგი ქალების 29.2%-ს აღენიშნება.

ბაქტერიული ვაგინოზის დიაგნოსტირებისას ვაგინალური ფლორის შესწავლა კლინიკურად მნიშვნელოვანია, რადგან იგი საშოს ნორმალურ ფლორასა და პათოგენურ მიკროორგანიზმებს შორის თანაფარდობას განსაზღვრავს.

ამ თანაფარდობას მაღალი სიზუსტით ბაქტერიული ვაგინოზის საკვლევი Bacterial Vaginosis Real-TM Quant სარეაქციო ნაკრები გამოავლენს, რომელიც ვაგინალურ ბიოტოპში Gardnerella vaginalis-ს, Atopobium vaginae-სა და Lactobacillus spp-ს რაოდენობრივად განსაზღვრავს და, ამავდროულად, ბაქტერიების მთლიან რაოდენობასაც ასახავს.

ინტრავაგინალური ჩარევები ბაქტერიული ვაგინოზის რისკს ზრდის, სწორედ ამიტომ ბაქტერიული ვაგინოზის პრევენციისთვის მნიშვნელოვანია:

• უსუნო, არაარომატული ტამპონების, საფენებისა და რბილი საპნის გამოყენება;
• სქესობრივი გზით გადამდები დაავადებებით ინფიცირების შესამცირებლად, დამცავი ლატექსის კონდომის გამოყენება.

ბაქტერიული ვაგინოზის რისკი ასევე იზრდება:

• რამდენიმე ან ახალი სქესობრივი პარტნიორის ყოლისას;
• ჩასახვის საწინააღმდეგო საშვილოსნოსშიდა საშუალებების გამოყენებისას;
• დუშინგის დროს — საშოს გამორეცხვა წყლით ან გამწმენდი საშუალებებით.